Макпетрол – Хераклеа (01.03.2014)

Макпетрол - Хераклеа

Натпревар без многу возбудувања, пресилниот Макпетрол за македонски услови е непобедлив во скопските куглани од ниту една екипа, па ни од Хераклеа.
Нашите куглари влегоа опуштено без било што да можат да изгубат, па во таа борба најизразит беше Сотир Гулевски кој со свои рекордни за Хераклеа 575 чуњеви го одбележа овој натпревар, патем и беше единствениот кој се избори за поен.
Останатите во своите можности, а дел од нив и далеку под своите просеци.
Првата постава одличната игра на Гулевски не го мотивира Колев кој со очајни 515 лошо го отвори натпреварот иако имавме 1:1.
Тоде со релативно лоши 519 немаше шанси против Сашко Трпковски, а Цане Поповски не успеа да му открадни поен на Виктор, иако губел 1:0 и во вториот сет на полни.
Спирковски со лоши 250 од две патеки беше заменет со Никола кој не успеа да се снајде и изваде очајни 232 дрва.
Радува фактот што Пеце премина +200 во чистење и со 208 го држи официјално рекордот во Хераклеа, а вкупно со 562 и одличното отворање со  159 не успеа да го круниса со поен на крајот против Димитар кој се врати во игра по изедначувањето на 1:1.
Како и да е, 3185 не е резултат со кој треба да се гордееме, но во Скопје не отпатува целата екипа, што значително се рефлектира и на конечниот резултат, но реално во моментот на скопските куглани сме класа под Макпетрол.