18 Август Адинг – Хераклеа (26.10.2013)

18 Август Адинг - Хераклеа (26.10.2013)

Еден од натпреварите кои ќе треба што побрзо да се заборават. Очајно лоша игра, без концепт, со многу грешки од кои клубот треба да извлечи поуки, и во иднина не смее да ги повтори за да не се случи нов дебакл.
За Хераклеа поените ги освоија: Цане Колев со лоша игра за него и едвај добиен поен, Љупчо Спировски со солидна игра и најдобар резултат на натпреварот за нас (533) и Менде Андоновски со 489 и лоша игра.
Нерешен резултат пропушти Сотир Гулевски кој на 117 кугла разби и не успеа да влези во наредната постава, што би значело и поен од гостивањето во Скопје.
Радува фактот што еден нов млад играч полека но сигурно се наметнува, а тоа е Никола Андоновски кој покажа коректна игра и со потребното зреење ќе може да биди добра замена за веќе искусните ветерани во Хераклеа.
Наредниот натпревар е во сабота (02.11.2013) со најдобриот клуб во последните десет години – Макпетрол, а Хераклеа го дочекува апсолутниот фаворит во Битола, на терен кој е проблематичен за Макпетролци и единствен каде што имат загубено од друга екипа (Молика, Пелистер).