Трето пласирани на меѓународен турнир во Крагуевац

Припремите за вториот дел од државното првенство во куглање на к.к. Хераклеа, раковостството на клубот во соработка со нашиот спонзор – ПАКОМАК, предвиде да ги направи во Р.Србија, лулка на кугларскиот спорт на овие простори, каде што учествувавме на еден меѓународен турнир во организација на кугларскиот клуб Шумадија – од Крагувац, по повод 20 години од постоењето на клубот.

Заедно со претседателот на к.к. Шумадија

Со задоволство беше прифатена поканата и поклопувањето на термините, така што најсилниот состав на клубот отпатува во Србија со намера добро да се подготви, да размени искуства, но и да победи на истиот турнир.
Учествуваа вкупно 5 (пет) екипи од кои покрај нашиот клуб, две екипи (к.к. Цар Лазар и Водовод од Крагуевац) се натпреваруваат во Супер лигата на Србија (која е една од најсилните лиги во светот), една екипа (к.к. Пак промет) се натпреварува во Првата лига на Србија и домаќините (к.к. Шумадија) кои се натпреваруваат во Првата српска лига.
Натпреварот започна во недела на 02.02.2014 од 10.00 часот.

ПЛАСМАН
1 место	2 место	3 место	4 место	5 место
к.к. Водовод	к.к. Цар Лазар	к.к. Хераклеа	к.к. Шумадија	к.к. Пак промет
3477 дрва	3315 дрва	3232 дрва	3217 дрва	3204 дрва
ПОЕДИНЕЧНИ РЕЗУЛТАТИ
612 М.Пантиќ	602 Буква	572 Димовски	566 Марковиќ	544 Видојевиќ
584 Милинковиќ	568 Драмичанин	552 Ристевски	552 Маринковиќ	542 Тојагиќ
578 Џорџевиќ	567 Здравиќ	547 Колев	547 Божиновски К.	533 Симовиќ
573 Вуксановиќ	533 Видојевиќ	541 Михајловски	531 Коваќевиќ	531 Пешикан
567 Симин	525 Ексиќ	514 Поповски	517 Варјашиќ	529 Јовановиќ
563 Јоксимовиќ	520 Јевтиќ	506 Божиновск	504 Куртиќ	523 Вуксановиќ

Во една опуштена атмосфера, жарот на играта се разгоре најмногу во последниот 8 блок, каде што беа пресудни последните кегли на чистење. Натпреварот беше до толку неизвесен што публиката на нозе го проследи последниот сет каде што нашиот Тоде Ристевски беше ненормално добар и со 113 во полни успеа да ја нивелира разликата од тогаш третопласираната екипа Пак промет. Натпревар полн со турбуленции, слаби и феноменални моменти, натпревар за паметење.
Во однос на нашите куглари генерално се покажа добра игра, но и сите недостатоци излегоа на виделина на добро подготвените патеки во Крагуевац, така што ни преостнува слабостите да ги надополнуваме и конкретно да се приближиме до 3300, цифрата која генерално во македонски рамки ќе може да не одржува на второто место со оглед на големата предност која ја имаме поради домашната куглана во Битола, каде што ќе може да падне и долгогодишниот првак на Македонија – екипата на Макпетрол.
Еве и галерија на фотографии: