Македонија – Хераклеа (09.11.2013)

Македонија - Хераклеа (09.11.2013)

Првата победа на к.к. „Хераклеа“ во четвртото коло од МКЛ, слатка бидејќи прва, за паметење бидејќи против женска екипа .

Инаку, во однос на играта, повторно бледа и неуверлива, без потребниот квалитет, но далеку подобра од изминатите натпревари.

Доминираше Цане Колев кој со своите 199 на чистење,  успеа да стигне до фините 559, што досега е најдобар резултат на еден член на Хераклеа.

Бубичот со за него коректни 531 беше втор, Тоде, Мише и Игор со нешто над 500 беа под нивото, а младиот Никола не успеа да се стабилизира на чистење и изваде резултат под 480.

Натпреварот влезе во неизвесност по вториот блок кога се нивелира стекнатата разлика во вкупно соборени кегли, а резултатот со 2:2 внесе во самата завршница доста неизвесност, за на крајот стабилната игра на последната постава во првите два добиени сета и кај Љупчо и кај Игор, ја релаксира атмосферата и не дозволи да се „размафтаат“ исклучително квалитетните Данче Гијевска и Билјана Гаврилова.

Убаво е што е постигната првата победа, но без да звучам шовинистички многу подрага ќе биде победата над екипата на „Работнички“ од шестото коло која ни гостува на домашен терен и кој натпревар веројатно ќе биде дерби на колото.