ТКС – Хераклеа (01.12.2013)

ТКС - Хераклеа (01.12.2013)

Последен натпревар од есенскиот дел во МКЛ 2013/14, натпревар без многу изненадувања и очекувани резултати. Борба со исклучително добро финансиски стоечки противник кој во свој посед има квалитетни куглари и некогашни репрезентативци. Светла точка на овој натпревар беше Александар Јовановиќ кој како нов член во клубот ја оправда довербата, го освои единствениот поен за Хераклеа и постави втор апсолутен резултат (554), покажувајќи зрела игра иако за прв пат после четири години играше во Мусандра. Жолто црвениот картон на Александар со 7 погодени на чистење, единствениот промашен удар на 29 кугла во првиот сет каде што не успеа да влези во полна постава, говори дека можеби добиваме и еден иден столб во играта на Хераклеа.
Останатите во рамките на слабата игра (Колев со очаен почеток од два сета, Милош, Сотир и Тоде со бледа игра, многу слаби резултати  и неможност да се наметнат врз противникот, Драган со големиот број на промашени удари и Игор со променливата игра беше општиот впечаток кој беше оставен во Скопје.
Како и да е, од денес веќе започнуваме нова ера, со најдобрите битолски куглари на едно место (сем Александар Соколовски), со клуб кој пред себе зацрта една патека и ќе мора трпеливо да чекориме по истата како би стигнале до успехот и долго очекуваните резултати.