Хераклеа – Адинг (22.02.2014)

Најубедливата победа досега со максимални 8:0 за Хераклеа.
Натпревар кој може да се каже дека беше исклучително монотон, досаден и на моменти деградирачки. Противникот не беше достоен да игра со силната Хераклеа која пак во својот состав даде можност на одредени куглари да изиграат првенствен натпревар.
Со очајни резултати од двете страни и слаб мотив за кугларско надмудрување поради непарирањето на Скопјаните, ниту еден куглар не успеа да влезе во клуб 500, што пак е репер за добар резултат во Битола.
Не би можел ништо да издвојам од овој натпревар, но слатки два поени кои не искачуваат на место погоре во табелата, иако оваа сезона нашиот фокус е на КУПОТ на Р.Македонија во куглање, пласманот во МКЛ веќе не е битен по лошите резултати во есенскиот дел.