Екипата на к.к. Хераклеа благодарение на резултатот кој го постигна на државниот КУП натпревар за 2016/17, се пласира да ја претставува Р.Македонија на NBC Купот, кој во 2017 година се одржа во Минхен, Германија. Р. Македонија на ова големо европско натпреварување ја претставуваше заедно со екипата на ГТЦ од Скопје.
Настапот го отвори највозрасниот играч на Хераклеа Љупчо кој имаше бледо издание и својот настап го заврши со цифра од 495 соборени кегли.
После него настапи капитенот Поповски кој со резултат од 563 ја врати вољата во екипата и реално влегување во трка со конкурентите за повисок пласман на ова големо првенство.
Никола беше третиот играч од првиот ден кој имаше прекрасна игра и за малку не успеа да ја достигне резултат од 600, но со своите 584 го собори својот личен рекорд и не крена од дното на табелата борејќи се со француските италијанските екипи и екипата од Естонија.
Наредниот ден, нашиот најдобар играч Пеце се бореше со стазите и во нервоза не успеа да го одигра она што тој го знае и собори свои скромни 536 дрва.
После него настапи Игор кој со брилијантна игра успеа да стигни до 606 што впрочем е и прва 600-тка во клубот и воедно и негов личен резултат.
На крајот Тоде не успеа да ја задржи концентрацијата и попушти под притисокот па со најлош резултат од 481 го запечати пласманот на екипата на 25 место од вкупно 27 екипи кои настапија во Минхен.
Генералниот впечаток е дек клубот можи многу повеќе но недостигаат тренинзи на плочи (нешто што го немаме во Битола). Очигледно е дека екипата се подмладува влегуваат нови млади куглари кои ќе ги заменат повозрасните, а искуството од овие драгоцени меѓународни настапи ќе се пренеси токму на нив.
Фотографии од свеченото отворање на НБЦ Минхен
